Улусту бир-ле чугула чүүлге өөредир дээш, Иисус кичээнгейни ол үениң болуушкуннарынче салып турган (Лк 13:1—5). Сонуургалды Чагырга дугайында медээже угландырып, амгы үеде бооп турар болуушкуннарны сагындырары чугула. Чижээ, өртектерниң өзүп турарын, бойдустуң халаптарын, хамааты хөлзэзиннерниң, наркоманияның болгаш оон-даа өске бергелерниң дугайында чугаалап болур. Кижини бодандырыптар айтырыгны сал. «Чүү деп бодаар силер, кажан-бир...» азы «Кандыг шиитпир...» деп айтырып болур. Темаңга хамаарыштыр шилип алганың шүлүктү номчуп бер. Кижиге ол солун болза, суртаалдаар херекселдеривис аразындан дептерни азы видеону көргүс. Бистиң сорулгавыс — медээни кижилерниң чүрээнге дээштиг кылдыр чедирери-дир. Ынчангаш «өөрүшкүлүг медээни» дамчыдар дээш, бүгү күжүвүстү үндүрээлиңер! (1Кр 9:22, 23, Чаа делегей).

Силерниң чурттап турар чериңерде улус кандыг темаларны сонуургаарыл?