Библия өөренириниң дугайында дөрт видеону бараалгалга ажыглап болур бис. Видео бүрүзүнүң сорулгазы кандыг?

• «Библияны чүү дээш өөренирил?» (долу версиязы). Кандыг-даа шажынныг кижи Библияны сонуургаар кылдыр бо видеону үндүрген. Эң-не чугула айтырыгларның харыыларын Библиядан тып алырынче чалаан. Ол айтырыгларга канчаар харыылап турарын база көргүскен. Өөренир күзелдиг кижи чүнү канчаарын видеода тайылбырлап турар.

• «Библияны чүү дээш өөренирил?» (кыска версиязы). Бо видео долу версиядан үш катап кыска. Ону далашкан улустуг черлерге ажыглап болур.

• «Библейжи кичээлдер канчаар эртип турарыл?». Библейжи курсче сонуургал оттурар база үргүлчү салыр айтырыгларга харыылаар кылдыр үндүрген. Өөренир күзелдиг кижи чүнү канчаарын видеода тайылбырлап турар.

• «Ыдыктыг Бижилге-биле таныжылга!». Ол видеону Библия өөренип турар кижиге көргүзүп болур. «Аас-кежиктиг мөңге чуртта!» деп номнуң ийиги арнында ол видео бар-даа болза, «Аас-кежиктиг мөңге чуртта!» деп брошюраны өөренип тургаш көрүп болур. Ол курстуң дугайында болгаш кичээлдер канчаар эртерин видеода чугаалап турар.

Видео бүрүзү тускай сорулгалыг-даа болза, ону хостуг көргүзүп, эптиг болза, улуска чоргузуп болур бис. Шуптувус ол видео-биле эки таныжып алыылыңар база бараалгалга идепкейлиг ажыглаалыңар.