Бойдус халаптары үргүлчү болур апарган. Ол үеде дуза чедирери чурум-аайлыг болгаш эки харылзаалыг болуру чугула. Ынчангаш Удуртукчу чөвүлел салбыр бүрүзүнге дуза чедирер килдистер тургускан.

Килдисте акылар айыыл-халап дугайында дыңнааш, дораан-на тус черниң удуртукчулары-биле харылзажып, акы-угбаларга кандыг дуза херегин билип алыр. Бир эвес ол черде акы-угбалар хай-халаптан когаралды боттарының күжү-биле чайладып шыдавас болза, салбыр чери дуза чедирер ажылды башкарар кылдыр акыларны шилиир. Эки турачылар дузазы, аъш-чем болгаш оон-даа чүү херегин ол акылар салбырже дамчыдыптар. Оон аңгыда, чугула херек чүүлдерни ол черге-ле боттары саткаш, когараан акы-угбаларга үлеп берип болур.

Ынчангаш акы-угбалар боттары ындыг ажылды аңгы чорутпас болза эки. Ынчалдыр ийи дакпыр, будулчак, акша-көпеекти болгаш өске-даа курлавырларны хей черге үндүреринден чайлап болур бис.

Каш эки турачы херегин база когаралды дуглаарынга кайы хире акша-көпеек үндүрерин харыысалгалыг акылар шиитпирлеп болур. Ажылывыска дузалажыр кылдыр акылар тус черниң чагыргалары-биле таныжып ап, чугаалажып болур. Ынчангаш аңгы акша-көпеек чыып, дуза чоргузуп, айыыл-халап болган черже дилевээн болза, барбааны дээре.

Айыыл-халап болу бээрге, акы-угбаларга ынак болгаш, оларга дузалажыксаар бис! (Евр 13:16). Чүнү канчап болур? Эң кол чүүл, когараан улус дээш база дуза чедирип турар улус дээш, мөргүүрү. Оон ыңай бүгү делегей чергелиг ажылче өргүп болур бис. Өргээн акшаны Удуртукчу чөвүлелдиң хайгааралында килдистер канчаар эң дээре кылдыр ажыглаарын билир. А бир эвес дузалажыр күзеливис бар болза, «Заявление на служение добровольцем в программе местного проектно-строительного отдела» деп анкетаны долдуруп болур (DC-50).

«РАЗРУШИТЕЛЬНЫЕ НАВОДНЕНИЯ В БРАЗИЛИИ» ДЕП ВИДЕОНУ КӨРГЕШ, ХАРЫЫЛА:

2020 чылда Бразилияга суг халавының соонда Иегованың Херечилериниң дузазының кайы талазы сеңээ кайгамчык болду?