Апрель 1—7
ЫРЛАР 22—24
Ыры 4 болгаш мөргүл | Киирилде сөстер (1 мин.)
1. «Дээрги-Чаяакчы — мээң Кадарчым»
(10 мин.)
Иегова бисти эдертип бар чыдар (Ыр 22:1—3; w11-U 1/5 ар. 31, абз. 3).
Иегова бисти камгалап турар (Ыр 22:4; w11-U 1/5 ар. 31, абз. 4).
Иегова бисти «чемгерип» турар (Ыр 22:5; w11-U 1/5 ар. 31, абз. 5).
Кадарчы кижи канчаар хойлары дээш сагыш човаар ийик, Иегова база ынчаар бараалгакчылары дээш сагыш човап турар.
БОДУҢДАН АЙТЫР: «Иегова хууда мен дээш канчаар сагыш човап турар?»
2. Үнелиг бодалдар
(10 мин.)
Ыр 22:3. «Шынныг оруктар» дээрге чүл ол база ону эдереринге биске чүү шаптыктап болур? (w11 15/2 ар. 24, абз. 1—3).
Бо эгелерден тып алганың үнелиг бодалдар-биле үлеш.
3. Библияның номчулгазы
(4 мин.) Ыр 22:1—23:10 (th кичээл 5).
4. Чугааны эгелеңер
(3 мин.) АРГА ТЫПТЫП КЭЭРГЕ, СУРТААЛДААРЫ. Черивистиң экологиязы дээш дүвүреп турар кижиге Библиядан таарымчалыг шүлүктү көргүс (lmd кичээл 2, пункт 5).
5. Сонуургалды сайзырадыңар
(4 мин.) БАЖЫҢНАР КЕЗИП СУРТААЛДААРЫ. Ооң мурнунда «Аас-кежиктиг мөңге чуртта!» деп брошюраны ап алган кижиге библейжи кичээлдиң канчаар эртип турарын көргүс (lmd кичээл 9, пункт 3).
6. Өөреникчилерни белеткеңер
(5 мин.) lff кичээл 14, пункт 4 (lmd кичээл 11, пункт 3).
Ыры 54
7. Өске үннү дыңнавас бис
(15 мин.) Сайгарылга.
Хойлар кадарчызының үнүн билир болгаш, ону дыңнаар. А өске кижиниң үнүн дыңнааш, дезе бээрлер (Ин 10:5). Ооң-биле дөмей, бис сагыш човангыр, бүзүрелдиг Кадарчыларывыстың, Иегова биле Иисустуң, үнүн дыңнап турар бис (Ыр 22:1; Ин 10:11). А бүзүреливисти кошкадып, бисти мегелээрин кызып турар өске үннү дыңнавас бис (2Пт 2:1, 3).
Эге дөс 3-кү эгеде черге бир дугаар «өске үннүң» дыңналганын бижээн. Эрлик чажыртынып алгаш, Ева-биле чугаалашкан. Эрлик Еваның эжи бооп мегеленип, Иегованың сөстерин хажыдып, ооң үзел-бодалын чигзиниг кырынга салган. Муңгаранчыг чүүл, Ева аңаа бүзүрей бээрге, бодунга-даа, ооң өг-бүлезинге-даа аажок коргунчуг түңнелдиг болган.
Амгы үеде Эрлик Иеговага болгаш ооң организациязынга бүзүреливисти кошкадыр дээш, ооң дугайында багай, чартыы шын, чартыы меге информацияны болгаш көк мегени тарадып турар. Өске үннү дыңнап кагзывысса, чүнү канчаар ужурлуг бис? Дезер! Ол үннү бичии-даа када сонуургап дыңнаары айыылдыг. Эрликке Еваны мегелээринге каш сөс болгаш бичии үе четкен (Эд 3:1, 4, 5). Чоок киживис экини күзээш, Иегованың Херечилериниң дугайында багай информация чугаалаксап турар болза канчаар?
«„Өске үнден“ ойталаңар» деп ВИДЕОНУ көргүскеш, оон айтыр:
Джейдтиң авазы-биле канчаар алдынганындан чүнү өөренип алыр бис?
8. Чыышка Библияны өөренири
(30 мин.) bt-U эге 8, абз. 1—4, көзенектер ар. 61—62.
