Сактыышкын кежээзи — төлевирниң ачызында болдунар, келир үеде болур йөрээлдерниң дугайында боданырынга таарымчалыг үе-дир. Ындыг йөрээлдерниң бирээзи — диргизиишкин. Иегованың күзел-бодалы-биле алырга, кижилер өлбес ужурлуг турган. Ынчангаш чоок кижизин чидирери — кижиниң чуртталгазында аар согуг бооп турарының ужуру мында (1Кр 15:26). Чок апарган Лазарь дээш, өөреникчилериниң качыгдап турарын көөрү Иисуска аарышкылыг турган (Ин 11:33—35). Иисус Адазының бүдүжүн кара олчаан көргүзүп турар болганда, чок апарган чоок, ынак улузувус дээш, качыгдап турарывысты көөрү Иеговага база аарышкылыг дээрзинге чигзинмес бис (Ин 14:7). Иегова бодунуң чок апарган бараалгакчыларын диргизер дээн үезин четтикпейн манап турар. Ону бис база аажок күзеп турар бис (Иов 14:14, 15).

Иегова «корум-чурумнуң» Бурганы болганда, диргизиишкин база ужур-чурумнуг болур деп саналдаары чөптүг болур (1Кр 14:33, 40). Амгы үеде улусту хөөржүдүп турар бис, а ол үеде дирлип келген улусту уткуур бис. Ылаңгыя чидиригниң ажыг-шүжүүн миннип тургаш, диргизиишкинниң дугайында боданыр-дыр сен бе? (2Кр 4:17, 18). Иегованың берген төлевири болгаш чок апарган улустуң дирлип кээри дээш, Аңаа өөрүп четтирер-дир сен бе? (Кл 3:15).

• Эш-өөрүңнүң болгаш төрелдериңниң аразындан ылаңгыя кымны катап көрүксээр-дир сен?

• Библейжи маадырларның ылаңгыя кайызы-биле таныжып, хөөрежиксээр-дир сен?