СУРТААЛДААР АРГА-МЕРГЕЖИЛИВИСТИ БЕДИДЕРИ
Суртаалдаар арга-мергежиливисти бедидери. Брошюрага бодунуң чугаа эгелээр сөстерин канчаар белеткээрил?
ОЛ ЧҮГЕ ЧУГУЛА? Ажылчын кыдыраашта парлаан чугаа эгелээр сөстер дептерлерни канчаар сүмелеп болурун айтып берип турар. Ынчалзажок бердинген чугаа эгелээр сөстерни кызырып каан болганда, оларны суртаалчы бодунуң сөзү-биле чугаалаар ужурлуг. Чок болза суртаалга оон өске арга ажыглаарын азы силерниң девискээриңерге улусту сонуургадыптар бир өске теманы шилип алырын шиитпирлээр чадавас сен. Ындыг таварылгада брошюраны номчааш, чугаа эгелээр сөстер-биле таныжып, оларны канчаар сүмелээрин көргүскен видеороликтерни көргеш, адаанда бердинген сүмелерни ажыглап тургаш, бодуңнуң чугаа эгелээр сөстериңни чогаадып ап болур сен.
ОНУ КАНЧААР КЫЛЫРЫЛ?
Бодуңдан айтыр: «Бердинген чугаа эгелээр сөстерниң кайы-бирээзин ажыглаксап турар мен бе?»
ИЙЕ
-
Киирилде сөстерни чогаадып ал. Кижини мендилээш, чүү дээш келгениңни тайылбырла. (Чижээ: «Мээң келген ужурум болза...»)
-
Айтырыгдан шүлүкче, оон шүлүктен дептерже канчаар шилчиирин боданып ал. (Чижээ, шүлүк номчуурунуң мурнунда: «Аңаа харыыны мында берип турар» деп болур.)
ЧОК
-
Силерниң девискээриңерге улусту сонуургадыптар, сеңээ солун бир теманы брошюрадан шилип ал.
-
Кижи-биле чугаа эгелеп алыр дээш, ону бодандырыптар, ынчалза-даа эпчок байдалче киирбес, кандыг айтырыгны аңаа салып болуруңну боданып көр. (Чижээ, брошюраның 2-ги арнында бердинген айтырыгларны ажыгла.)
-
Номчуур шүлүүңнү шилип ал. (Бир эвес Библияны эки билбес база шажынга шоолуг эвес хамаарылгалыг улуска брошюраны сүмелеп турар болзуңза, шүлүктү номчууру албан эвес.)
-
Статьяны номчууру кижиге кандыг ажык-дуза чедирерин кысказы-биле чугаалап бер.
КАНДЫГ-ДАА ТАВАРЫЛГАДА
-
Катап барган үеңде харыызын көргүзер кылдыр, ажык айтырыгдан чогаадып ал.
-
Катап барган үеңде чугааны канчаар чорударынга дузалаар, бичии пландан тургузуп ал.
