Бис март 23-те болур Сактыышкын кежээзинче 12 миллион азы оон-даа хөй аалчыларның кээрин манап турар бис. Иегованың канчаар төлевирни бергениниң болгаш келир үеде кижилерни йөрээриниң дугайында илеткелди дыңнааш, олар дыка эки херечилелди алыр (Иса 11:6—9; 35:5, 6; 65:21—23; Ин 3:16). Ынчалзажок ол тускай болуушкуннуң үезинде чүгле илеткелчи херечилел бербес. Бис шуптувус аалчыларны өөрүшкүлүг хүлээринге киржип болур бис (Рм 15:7). Аңаа хамаарыштыр каш сүмени көрээлиңер.

• Анаа-ла олудуңну эжелеп алгаш, программаның эгелээрин манаарының орнунга аалчыларны болгаш идекпейлиг эвес апарган суртаалчыларны, хүлүмзүрбүшаан, чылыг сөстер-биле мендиле

• Хууда чалаан улузуңга тускай кичээнгейни черле көргүзер болгай сен, ынчалза-даа кампания үезинде, чалалга алган болгаш, чедип кээр улустуң дугайында база утпа. Библияны эдертир көрүп, ырларны кады ырлаар дээш, оларның бирээзин кады олуруп алырынче чала

• Илеткелдиң соонда кижиден ооң айтырыглары бар бе деп айтырывыт. Бир эвес дараазында чыышка залды дүрген хостаар апарза, чоокку хүннерде ужуражыр кылдыр, ооң-биле дугуржуп ал. Бир эвес ол кижиниң телефонун азы адрезин билбес болзуңза: «Илеткелден чүнү сонуургааныңарны билип алыксап тур мен. Силерниң-биле канчаар харылзажып болурул?» — деп, чугаалап болур сен