Суртаалга белеткээр ужуражылгалар (чыыштың өске ужуражылгалары ышкаш) бисти ынакшылче болгаш буянныг херектерже оттурарын Иегова күзеп турар (Евр 10:24, 25). Ол ужуражылгалар колдуунда 5—7 минут дургузунда эртер. (Өске чыыштың соонда эртер болза, оон-даа кыска болуру чугула). Эрттирип турар акывыс ол үе дургузунда суртаалчыларны эжеш азы бөлүк кылдыр чаргаш, девискээрлерни үлээш, мөргүптер. Акывыс материалды суртаалчылар дораан ажыглап болур кылдыр белеткээр ужурлуг. Чижээ, субботаларда суртаалга белеткээр ужуражылгаже, хөй кезиинде неделя бурунгаар суртаалдап турган акы-угбалар кээр. Ынчангаш эң-не таарымчалыг чүүл — чугааны канчаар эгелээрин сүмелээри болур чадавас. Акывыс оон өске чүнү сайгарып болур?

• «Христиан чуртталгавыс болгаш бараалгалывыс» деп ажылчын кыдыраашта чугаалажырының аргаларын.

• Чаа медээни азы чоокта болган болуушкунну сагындыргаш, чугааны канчаар эгелээрин?

• Чурттап турар чериңерде нептереңгей удур саналды канчаар ажып эртерин?

• Бурганга бүзүревес азы эволюцияга бүзүрээр, өске дылдыг азы тус черге таварышпас шажынныг кижи-биле канчаар чугаалажырын?

• jw.org сайттың, JW Library^® Капсырылганың азы Библияның функцияларын канчаар ажыглаарын?

• Суртаалдаар херекселдерни канчаар ажыглаарын?

• Суртаалдың аңгы-аңгы хевирлеринге чижээ, телефон дамчыштыр, чагаа бижип, стенд-биле, сонуургаан кижиге катап баарынга азы библейжи кичээлдер эрттиреринге канчаар өөренип алырын?

• Суртаалга канчаар оваарымчалыг болуп, эки хөөннүг артып, эвилең-ээлдек болгаш оон-даа өске шынарларны канчаар илередирин?

• «Номчуур болгаш өөредир арга-мергежилиңни сайзырат» деп брошюрадан кичээлди азы видеону.

• Суртаалга канчаар эки эш болурун?

• Суртаалга хамаарышкан библейжи шүлүктү азы солун таварылганы.