«Аас-кежиктиг мөңге чуртта!» деп ном-биле кичээл эрттиреринге ынак сен бе? Сеңээ видео, бодалын илередир айтырыглар болгаш «Чамдык улус мынча деп болур», «Сорулгалар», «Немелде» деп көзенектерни сайгарары солун-дур бе? Өөреникчилер белеткээринге, сеңээ номнуң оон өске кандыг талалары дузалаарыл? (Мф 28:19—20).

Кичээлдерге материалдар. Парлап каан номну ажыглап турар болзуңза, видео болгаш өске-даа материалдарны канчаар тып ап болур сен? Номнуң электроннуг хевирин ажыткаш, хереглээн кезектиң «Кичээлдерге материалдар» деп пунктузун шилип ал. (1 дугаар чурукту көр.)

«Изображение» деп функция. Кичээлди номнуң электроннуг хевири-биле эрттирип турар болзуңза, өйлеп-өйлеп «Изображение» деп функцияны ажыглаксай бээр чадавас сен. Ындыг сөзүглелдиң тургузуу бүдүн материалды көөрүнге база пункт бүрүзү кичээлдиң темазы-биле канчаар харылзаалыын билип алырынга дузалаар. Ону тыварда херек кичээлди ажыткаш, экранның кырында оң талазында үш точканы базыпкаш, «Изображение» деп функцияны шилип алыр. Дедир кирерде, үш точканы базыпкаш, «Текст» деп функцияны шилип ал (азы адаанда оң талазында өкпең өңнүг демдекче базывыт).

«Белен мен бе?» Чыыш-биле кады суртаалдаар база сугга суктурар күзелдиг улуска, кол негелделерни 4 дугаар кезектиң төнчүзүнде ийи көзенекте бижээн (2 дугаар чурукту көр.)

Капсырылгалар. Капсырылгаларда чугула айтырыгларны тайылбырлаан немелде материал бар. Электроннуг хевирде капсырылга бүрүзүнүң төнчүзүнде шөлүгнү базыптарга, өөренип турар кичээлинче катап кирип кээр. (2 дугаар чурукту көр.)