Белеткенири чүге чугула? Дүрген эмчи дузазы херек база хенертен эмчиге чыдар байдал туруп кээп болур. Дүрген дуза херек апаар байдалда эң эки эмнээшкин алыр дизе, амдан эгелеп белеткен. Ынчалдыр амы-тынга база Иегованың хан дугайында хоойлузунга хүндүткелди көргүзер сен (Ажч. 15:28, 29).

Канчаар белеткенирил?

• Иеговага мөргээш, шупту чүвени бодангаш, «Волеизъявление и доверенность относительно медицинского вмешательства» (dpa). a деп документини долдуруп ал. Сугга суктурган бараалгакчылар ону ном-дептер харыылаар акывыстан ап болур, а назы-хар четпээн ажы-төлүнге «Удостоверение личности» (ic) деп бланкыны дилеп ап болур.

• Иштиг-сааттыг угбаларывыс удуртукчудан «Информация для беременных» (S-401) деп бланкыны алыр. Ол бланк иштиг турда, божуурда эмнээшкин айтырыгларынга хамаарыштыр шын шиитпирни үндүреринге дузалаар.

• Эмчиге чыдарда азы кезиишкин херек үеде, ханны кудар деп баарга, ооң дугайында удуртукчуларга дамчыткаш, Иегованың Херечилериниң төлээзи-биле ужуражыр күзелиңни эмчилерге чугаала.

Удуртукчулар канчаар дузалап болурул? Олар сеңээ «Волеизъявлениени» долдурарынга дузалажып болур. Ынчалза-даа олар сээң орнуңга шиитпир үндүрбес база кижи бүрүзүнүң хууда шиитпирлээр ужурлуг шилилгеге бодунуң бодалын илеретпес (Рм 14:12; Гл 6:5). Сээң байдалыңда хан кудар айтырыг көдүрлүп болурун удуртукчуларга чугаалаарыңга, олар ол дораан эмнелгелер-биле харылзажыр комитетче дамчыдар.

КСБ канчаар дузалап болурул? КСБ-де акыларны канчаар эмчилерге болгаш юристерге чүдүлге талазы-биле хан куттурарынга көрүжүвүстү тайылбырлаарын өөреткен. Олар эмчиң-биле хан куттурбас эмнээшкин аргаларын чугаалажып, херек апарза эмчини тып алырынга дузалаар.

«ЭМНЭЭШКИННИҢ ХАН АЖЫГЛААР АРГАЛАРЫНГА КАНЧААР ШИИТПИР ҮНДҮРЕР?» ДЕП ВИДЕОНУ КӨРГЕШ, ХАРЫЫЛА:

• Дүрген дуза херек байдалга белеткенип алырынга бо видео сеңээ канчаар дузалап болур?

  Сээң харыың