Бурганга дыңнангыр болуру чүректен эгелээр (У. ч. 3:1). Ынчангаш улусту өөредирде чүрекке дээштиг кылдыр өөредирин кызары чугула. Ону канчаар кылырыл?

Бистиң сорулгавыс дээрге кижиге анаа-ла библейжи алыс шынны чугаалаары эвес, а ол билиглерниң кайы хире ажыктыын, ол кижини Бурган-биле канчаар чоокшуладып болурун билип алырынга дузалаары-дыр. Библейжи дүрүмнер Бурганның ынакшылын, буянын, чөптүүн көргүзүп турар деп билип алырынга дузалаңар. Эрткен кичээлге хамаарыштыр өөренип турар кижиниң бодалын билип алыр дээш, эвилең-ээлдек, чымчаа-биле айтырыглардан салыңар. Үзел-бодалдарын болгаш аажы-чаңында четпес талаларын өскертип алыр болза, ол кижиниң чуртталгазы канчаар экижиирин кады сайгарып көрүңер. Библия өөренип турар кижини Иеговага сеткилинден ынак деп билип кааш, чүге-даа деңнеп четпес өөрүшкүнү миннир силер.

«ӨӨРЕНИКЧИЛЕР БЕЛЕТКЭЭР АЖЫЛДАН ӨӨРҮШКҮ. АРГА-МЕРГЕЖИЛИҢЕРНИ БЕДИДИҢЕР. КИЖИНИҢ ЧҮРЭЭНГЕ ДЭЭШТИГ КЫЛДЫР ӨӨРЕДИҢЕР» ДЕП ВИДЕОНУ КӨРГЕШ, ХАРЫЫЛА:

• Нита чүге Джейдтен мынча деп айтырган: «Понедельникте чугаалажып турган чүүлүвүстүң дугайында бодандың бе?»

• Иегова ынакшылдыг болгаш, эки-бактың дүрүмнерин тургускан деп билип алырынга Джейдке Нита канчаар дузалашкан?

• Бурганның ынакшылы чүден көстүп турарын билип алырынга Нита Джейдке канчаар дузалаан?