Улуг назылыг христианнарга авазынга, ачазынга дег, а аныяктарга акы-угбаларга дег хамаарылгалыг болурун Библия биске сүмелеп турар. (Номчуптуңар: 1 Тимофейге 5:1, 2.) Чыышта ылаңгыя эр улус кыс улуска хүндүткелдиг, төлептиг хамаарылгалыг болурун кызар ужурлуг.

Бурганның бараалгакчызынга кыс кижи эпчоксуна бээр кылдыр алдынары азы ылчыңнаары ужурга дүүшпес (Иов 31:1). Өг-бүле тудар сорулга чокка, бараалгакчы кижи өгленмээн угбавыска меге идегел берип, ооң сеткили-биле ойнап болбас ужурлуг.

Хуралдың удуртукчузунга кандыг-бир айтырыглыг азы сүмелиг келген угбавысты кичээнгейлиг болгаш хүндүткелдиг дыңнаары чугула. Удуртукчулар ылаңгыя өг-бүле тутпаан угбаларывыска чымчак хамаарылгалыг болур ужурлуг, чүге дизе оларның дугайында сагыш човаар өөнүң ээзи чок болгай (Рф 2:8, 9).

«ХРИСТИАН ЧЫЫШКА ЫНАКШЫЛЫҢАРНЫ КӨРГҮЗҮҢЕР. ДУЛГУЯКТАРГА БОЛГАШ ӨСКҮСТЕРГЕ» ДЕП ВИДЕОНУ КӨРГЕШ, ХАРЫЫЛА:

• Мьинт угбавыска акы-угбалар бодун хайыралавас ынакшылды канчаар көргүскен?

• Мьинттерниң өг-бүлезинге акы-угбаларның ынакшылы Иегованың адын ол суурга канчаар алдаржыткан?

• Чыыштың ынакшылы угбавыстың уругларынга кандыг салдар чедирген?

Чыыжыңда угбаларга ынакшылды болгаш хүндүткелди херек кырында канчаар көргүзүп болур сен?