СУРТААЛДААР АРГА-МЕРГЕЖИЛДИ ЭКИЖИДЕРИ | ӨӨРҮШКҮЛҮГ СУРТААЛДА
Бодап билир бол
Бодап билири — бодун өске кижиниң орнунга салып, чүнү хереглеп, чүнү миннип турарын, аңаа чүү чугулазын тодарадып алыры-дыр. Ындыг шынарны сайзырадырынга өске кижиге дузалаар күзел оттурар. Сеткилинден эки хамаарылганы көргүзерге, кижилер ону дораан билип каар. Суртаал үезинде улусту бодап билир болзувусса, Иегованың ынакшылын болгаш сагыш-човаашкынын олар көрүп, Ооң дугайында билип алыр күзели тыптып келир (Фп 2:4).
Кижилерге сеткиливистен эки хамаарылгавыс канчаар чугааланырывыстан, дыңнаарывыстан болгаш имнээшкиннеривистен көскү болур. Кижиниң чүү чүвеге бүзүрээрин, чүнү сонуургаарын база байдалы кандыгыл деп билип алырын кызары чугула. Херек кырында ажыктыг информация-биле үлежип, дуза кадар күзеливис бар-даа болза, ол кижиниң чуртталгазынга өскерлиишкин кылырын албадавас бис. Буянныг медээ-биле үлежип турган киживис дузавысты хүлээп алырга, биске дыка өөрүнчүг.
«ӨӨРЕНИКЧИЛЕР БЕЛЕТКЭЭР АЖЫЛДАН ӨӨРҮШКҮ. АРГА-МЕРГЕЖИЛИҢЕРНИ БЕДИДИҢЕР. КЭЭРГЭЭЧЕЛ БОЛУҢАР» ДЕП ВИДЕОНУ КӨРГЕШ, ХАРЫЫЛА:
-
Джейд озалдай бээрге, Нита бодап билирин канчаар көргүскен?
-
Джейд шылаанындан өөренип шыдавас апаарга, Нита канчаар бодап билген?
-
Кижилерни бодап билир болзувусса, Иегованың дугайында билип алыксаар күзел оларга тыптып кээр
Джейд бодунуң чүү-даа чүвеге четтикпезин чугаалаарга, Нита бодап билирин канчаар көргүскен?
