СУРТААЛДААР АРГА-МЕРГЕЖИЛДИ ЭКИЖИДЕРИ | ӨӨРҮШКҮЛҮГ СУРТААЛДА
Библия шинчилээр херекселдерни ажыгла
Мергежилдиг башкылар болурунга, Иегова биске хөй херекселдерни берип турар. Оларга видеороликтер, буклеттер, журналдар, брошюралар, номнар болгаш бистиң кол херекселивис — Библия хамааржыр (2Тм 3:16). Оон аңгыда Ооң Сөзүн ханы шинчилээринге дузалаар херекселдерни Иегова биске берип турар. Ол дээрге Таңныыл суургазының электроннуг библиотеказы, JW Library® деп капсырылга, «Таңныыл суургазының онлайн-библиотеказы» болгаш «Путеводитель по публикациям Свидетелей Иеговы».
Үнелиг эртинелер шинчилээрде, ол шупту херекселдерни ажыглаар болзуңза, дыка улуг өөрүшкүнү алыр сен. Библия өөренип турар кижини шупту херекселдерни ажыглаар кылдыр албан өөредип каг. Олар боттары хууда шинчилээш, библейжи айтырыгларның харыызын тып алгаш, ажыдыышкын кылган ышкаш өөрүшкүнү миннир.
«ӨӨРЕНИКЧИЛЕР БЕЛЕТКЭЭР АЖЫЛДАН ӨӨРҮШКҮ. ИЕГОВАНЫҢ ДУЗАЗЫН ХҮЛЭЭҢЕР. БИБЛИЯ ШИНЧИЛЭЭР ХЕРЕКСЕЛДЕР» ДЕП ВИДЕОНУ КӨРГЕШ, ХАРЫЫЛА:
-
Өртемчей чаяаттынган деп бодалга хамаарыштыр Джейд кандыг удур саналдыг болган?
-
Эволюция биле чаяалга темазынга информацияны Нита кайыын тып алган?
-
Библияны ханы шинчилээри болгаш тып алган билиглеривисти үлежири биске кызыгаар чок өөрүшкүнү эккеп турар!
Джейдке тааржыр материалды ол канчаар шилип алган?
-
Ол шинчилээшкин Нитаның бодунга кандыг салдарлыг болган?
