ХРИСТИАН ЧУРТТАЛГА
Чаа өөредир ном-дептерлерни эки ажыгла!
Библейжи кичээлдер эрттирер чаа брошюра биле ном дээш өөрүп тур бис! Оон-даа хөй өөреникчилер белеткээринге дузалаар кылдыр, Иеговага мөргүп турар бис (Мф 28:18—20; 1Кр 3:6—9). Ол чаа херекселдерни канчаар ажыглаар?
«Аас-кежиктиг мөңге чуртта!» деп ном интерактивтиг чаа өөредилгени сүмелеп турар. Кичээл бүрүзүнге белеткен. Библейжи кичээл эрттирип тургаш, бо айтыышкыннарны эдерери чугула *.
-
Өөренип турар кижи-биле материалды номчааш, айтырыгларны кады сайгар.
-
«Номчуптуңар» деп каан шүлүктерге тускай кичээнгейлиг бол. Сайгарып турар тема-биле ол шүлүктерниң кандыг харылзаалыын билип каар кылдыр, өөренип турар кижиге дузала.
-
Өөренип турар кижиге шупту видеороликтерни көргүс. Бердинген айтырыглар дузазы-биле сайгар.
-
Бир кичээл дургузунда бир теманы сайгарарын кызыт.
Суртаалдап турар кижиге баштай брошюраны сүмелээш, библейжи курсту сонуургап турар бе деп билип ап болур. (« Бирги чугаага „Аас-кежиктиг мөңге чуртта!“ деп брошюраны канчаар сүмелээр?» деп көзенекти көр.) Бир эвес брошюрада шупту темаларны сайгарыптарга, өөренип турар кижи улаштыр өөренир күзелдиг болза, номну сүмелээш, дөрт дугаар кичээлинден улаштырып болур. Библейжи кичээлди «Библия өөредип турар» азы «Любовь Бога» деп ном-биле эрттирип турар болзуңза, «Аас-кежиктиг мөңге чуртта!» деп номче шилчий бер. Каш дугаар кичээлден улаштыр өөредирин бодуң шиитпирлеп болур сен.
«ЫДЫКТЫГ БИЖИЛГЕ-БИЛЕ ТАНЫЖЫЛГА» ДЕП ВИДЕОНУ КӨРГЕШ, ХАРЫЫЛА:
-
Библейжи курс үезинде өөренип турар кижи чүнү билип алыр?
-
Библия өөренир деп турар кижиге, ол видеону чүге көргүзер болзуңза эки?
-
Өөренип турар кижини кандыг сорулгаларже чүткүүрүнче деткип болур? (« Кезек санында сорулгалар» деп таблицаны көр.)
^ 4 абз. ТАЙЫЛБЫР. «Немелде» деп көзенекте материал өөренир кичээлдиң албан өөренир кезии эвес-даа болза, белеткел үезинде шупту статьяларны номчуп, видеоларны көрүп ал. Өөренип турар кижиге кандыг материал ылаңгыя ажыктыын билип алыр сен. Номнуң электроннуг хевиринде шупту материалдарже интерактивтиг айтыглар бар.
|
КЕЗЕК САНЫНДА СОРУЛГАЛАР |
|||
|---|---|---|---|
|
КИЧЭЭЛДЕР |
ӨӨРЕНИКЧИНИҢ СОРУЛГАЛАРЫ |
БАШКЫНЫҢ СОРУЛГАЛАРЫ |
|
|
01—12 |
Библия чүнүң-биле ажыктыын база ооң Авторунуң дугайында билип алыр. |
Өөренип турар кижиге Библияны номчуурун, кичээлдерге белеткенирин, чыыштарже баарын сүмеле. |
|
|
13—33 |
Бурган биске чүнү кылганын база Аңаа канчаар шын мөгеерин билип алыр. |
Өөредип турар кижини билип алган билиглерин өске улус-биле үлежир кылдыр, детки. Суртаалчы апаар күзелин сайзырат. |
|
|
34—47 |
Бурган Бодунуң бараалгакчыларындан чүнү күзээрин билип алыр. |
Иеговага чуртталгазын бараалгадып, сугга суктуруп алыр күзелин сайзырат. |
|
|
48—60 |
Бурганның ынакшылынга канчаар артарын билип алыр. |
Өөренип турар кижиге эки-бакты ылгап билир кылдыр өөредип, Бурган-биле найыралын сайзырадырынга дузала. |
|
