Бергелеривис ылаңгыя үр үе ишти уламчылап туруп бээр болза, шенелделер бисти ундаралче киирип болур. Саулдуң истеп сүрүүшкүнү төнчү чок болбас база шенелделер төнер үелиг, Иегованың аазааны ышкаш хаан апаар үези чедип кээр деп, Давид билип турган (1Хн 16:13). Шыдамыккай болурунга база Иегованы манаарынга Давидке бүзүрели дузалаан.

Бодамчалыг, эскериичел болзувусса, шенелделер үезинде байдалды өскертип ап болур бис (1Хн 21:12—14; Уч 1:4). Библейжи дүрүмнерге дүүштүр алдынып, болдунар-ла чүүлдү кылган соонда безин чамдык бергелерден адырлып шыдавас бис. Ындыг таварылгада Иегованы шыдамыккай манаары чугула. Удавас Бурган шупту хилинчекти соксадыптар база «караавыста чаш бүрүзүн чодуп бээр» (Ажд 21:4). Бергелеривис Иегованың ачызында азы өске арга-биле шиитпирлеттине-даа бээр болза, шупту шенелделерниң төнчүзү кээр деп чигзинмес бис. Ол бодал бисти оожургадып болур.

«АҢГЫЛАЖЫГ ДОЛГАН ДЕЛЕГЕЙДЕ ДЕМНИГ ЧОН» ДЕП ВИДЕОНУ КӨРГЕШ, ХАРЫЫЛА:

• Каттышкан Штаттарның мурнуу чүгүнде чамдык христианнар кандыг бергелерге таварышканнар?

• Олар шыдамык чорукту болгаш ынакшылды канчаар көргүскеннер?

• «Эң эки чүүлче» кичээнгейни салырынга оларга чүү дузалаан? (Фп 1:10).