Иегова-биле чүгле мөзүзү бедик улус эдержип болур (1Пт 1:14—16). Библия өөренип турар кижи багай чаңчылдардан адырлып алгаш, өг-бүлезин быжыктырып, кадыкшылын экижидип ап, акша-төгериин камнап ап болур.

Иегова мөзү-шынар талазы-биле кандыг дүрүмнерни тургусканын база ону сагыыры кайы хире чугулазын, ажыктыын өөреникчиңге тайылбырлап бер. Өөреникчиң угаан-бодалын чаартып, аңаа дүүштүр алдынарынга дуза кадарынче кичээнгейни сал (Эф 4:22—24). Иегованың дузазы-биле ханылай берген чаңчылдарындан адырлып ап шыдаар сен деп өөреникчиңни бүзүрет (Фп 4:13). Шын эвес күзелдер тыптып келзе, Иеговадан дүрген-не дуза дилеп мөргүүр кылдыр сагындырып тур. Библия өөренип турар кижиге кандыг айыылдыг байдалдар тургустунуп кээрин баш удур бодап, оваарымчалыг болурун өөрет. Өөреникчиңни багай чаңчылдарын ажыктыг херектер-биле солуп алырынче оттур. Ол кижи Иегованың дузазы-биле чуртталгазын экижидип алганын көргеш, дыка улуг өөрүшкүнү миннир сен.

«БИБЛИЯ ӨӨРЕДИП ТУРАР УЛУЗУҢАРГА ДУЗАЛАҢАР. БАГАЙ ЧАҢЧЫЛДАРДАН АДЫРЛЫП АЛЫРЫНГА» ДЕП ВИДЕОНУ КӨРГЕШ, ХАРЫЫЛА:

• Джейдке хуралдың удуртукчулары болгаш Нита кандыг хамаарылгалыг болган?

• Нита Джейдке канчаар дузалаан?

• Джейд Иеговадан дузаны канчаар дилеп турган?