ОЛ ЧҮГЕ ЧУГУЛА? Библияны өөренип турар улус Иегованың ээ көрнүүшкүнүн чедип алыр дизе, Бурганга чуртталгазын бараалгаткаш, сугга суктуруп алыр ужурлуг (1Пт 3:21). Бурганга чуртталгазын бараалгатканынга дүүштүр чурттап турар улус Бурган-биле хамаарылгазынга хора чедирер чүүлдерден камгалаттынган (Ыр 90:1, 2). Христиан кижи бодун кандыг-бир кижиге, ажыл-херекке азы организацияга эвес, а Иеговага бараалгадып турар. Ынчангаш Библияны өөренип турар улус Бурганга ынакшылды болгаш өөрүп четтирген хөөннү сайзырадыр болза эки (Рм 14:7, 8).

ОНУ КАНЧААР КЫЛЫРЫЛ?

• Библейжи кичээлдер үезинде өөренип турар кижи Иегованың дугайында сайгарып турар материалдан чүнү билип алганын айтырыңар. Хүннүң-не Библияны номчуурунуң болгаш соксаал чок мөргүлдээриниң кайы хире чугулазын онзалаңар (1Фс 5:17; Иак 4:8).

• Өөренип турар кижини Бурганга чуртталгазын бараалгаткаш, сугга суктурарынче чүткүүр кылдыр деткиңер. Оон ыңай чыыштарга харыылаары, кожаларынга болгаш кады ажылдап турар улуска суртаалдаары дээн ышкаш бичии сорулгаларны чедип алырынга аңаа дузалаңар. Иегова кымны-даа Аңаа бараалгаарын албадавайн турар деп, сактып чоруңар. Бурганга чуртталгазын бараалгадыры азы бараалгатпазы — хууда шиитпир-дир (Ыхк 30:19, 20).

• Өөренип турар кижини Бурганны өөртүп, сугга суктурар негелделерге дүгжүр кылдыр, херек ужурлуг өскерлиишкиннерни кылырынче деткиңер (Уч 27:11). Аажы-чаңның чамдык талаларындан болгаш чаңчылдарындан адырлыры берге болганда, «биеэги... бачыттыг бүдүжүнден ойтала[аш]... чаа кижи бооп амыдыра[арынга]» ол кижиге немелде дуза херек апаар (Эф 4:22—24). «Библия чуртталганы өскертип турар» деп аттыг статьяларны ооң-биле сайгарыптыңар.

• Иеговага бараалгал силерге кайы хире өөрүшкүнү чедирип турарын аңаа чугаалап бериңер (Иса 48:17, 18).