Сентябрьдан эгелээш, «Чуртталгавыс болгаш бараалгалывыс» деп ажылчын кыдыраашка «Алыс шынга өөредиңер» деп чаа чугаа эгелээр сөстер тыптып кээр. Бистиң сорулгавыс — айтырыгның болгаш таарымчалыг шүлүктүң дузазы-биле кижиниң кичээнгейин кол библейжи өөредиглерниң бирээзинче угландырары.

Бир эвес кижи сонуургалды илередир болза, кандыг-бир дептерни арттыргаш, азы видеороликти көргүскеш, катап баар үндезинни салып алыр бис. Чугааны уламчылаар дээш, каш хүн эрткенде, улуска катап баарын кызар бис. Чаа чугаа эгелээр сөстер биле даалгалар немелде айтырыгларга болгаш библейжи шүлүктерге үндезилеттинер. Бо бүгү биске, улуска катап баргаш, чүгле Библияны ажыглап тургаш, чугаа чорударынга болгаш библейжи кичээлдер эрттиреринге дузалаар.

Чүгле чаңгыс орук мөңге амыдыралче чедире бээр (Мф 7:13, 14). Бис янзы-бүрү шажын-чүдүлгелиг болгаш ук-ызыгуурлуг улустар-биле чугаалажып турар болганывыста, оларның сагыш-сеткилинге дээштиг библейжи өөредиглериниң дугайында чугаалажыр болзувусса эки (1Тм 2:4). Библейжи темаларга болгаш «алыс шынныг медээни улуска хажытпайн» дамчыдарынга мергежээн тудум, бис оон-даа улуг өөрүшкүнү миннип, өскелерни алыс шынга чедиишкинниг өөредип шыдаар бис (2Тм 2:15).