ХРИСТИАН ЧУРТТАЛГА
Суртаалдаар мергежиливисти бедидери. Библияны сонуургап турар улусту чыышче кээр кылдыр детки
ОЛ ЧҮГЕ ЧУГУЛА? Христиан чыышка Иеговага ырлап, Ону алгап-мактап болур бис (Ыр 149:1). Оон аңгыда чыышка Бурганның күзел-соруун күүседирин өөренип ап турар бис (Ыр 142:10). Библияны өөренип, алыс шынны сонуургап турар улус чыышче барып эгелээр болза, оларның Бурган-биле харылзаазы дүрген быжыгар.
ОНУ КАНЧААР КЫЛЫРЫЛ?
-
Библияны өөренип эгелээрин манап турбайн, аргалыг-ла болза, кижини ужуражылгаларже дүрген чалаарын кызыт (Ажд 22:17)
-
Өөренип турар кижиге чыыштың канчаар эртип турарын база келир ужуражылгага чүнү сайгарарын тайылбырлап бер. Хуралче чалалга, «Хурал залында чүү болуп турарыл?» деп видеоролик болгаш «Иегованың күзел-соруу» деп брошюраның 5, 7-ги кичээлдери сеңээ дузалаар
-
Дуза кадарын сүмеле. Өөренип турар кижиге Хурал залынга чедип алырынга азы христиан ужуражылгага таарымчалыг хепти шилииринге дуза херек боор чадавас. Чыыш үезинде ооң чанынга олуруп алгаш, сайгарып турар дептерлерни көргүзүп бер. Чыыштың кежигүннери-биле ону таныштырып каг