Бир эвес суртаал үезинде эжикти бичии уруг ажыдыптар болза, ада-иезин кыйгырыптар кылдыр дилеңер. Шак ынчаар өг-бүлениң ээлеринге хүндүткеливисти көргүзер бис (Уч 6:20). Бир эвес бичии уруг киир чалаар болза, чөпшээрешпес бис. Ада-иези бажыңында чок боор болза, өске үеде келгени дээре.

Эжикти элээди уруг, чижээ, улуг класстың өөреникчизи ажыдыптар болза, дөмей-ле ада-иезин кыйгырыптарын дилээри чогуур. Ада-иези бажыңында чок болза, чүнү номчуурун боду шилип алырын олар чөпшээреп турар бе деп айтырып болур. Ийе болза, дептерлеривисти сүмелеп болур бис.

Сонуургалды илереткен элээди уругга катап келген болзувусса, ада-иези-биле таныштырарын дилээр болза эки. Шак ынчаар келген сорулгавысты, ол ышкаш өг-бүлелерге Библияның сүмелериниң кайы хире ажыктыын болгаш херек кырында ажыглаттынгырын тайылбырлап болур бис (Ыр 118:86, 138). Ада-иеге ындыг хүндүткел болгаш кичээнгей эки херечилел болур. Ынчалдыр биске өг-бүлениң өске кежигүннери-биле буянныг медээни үлежир арга тыптып келир (1Пт 2:12).