Исайяның хөөнү өттүнеринге төлептиг. Ол чүнү кылырын билбес турган-даа болза, бүзүрелин илередип, кыйгыга ол-ла дораан харыылаан (Иса 6:8). Чагырганың суртаалчылары чедишпейн турар черге бараалгаар дээш, чуртталгаңга өскерлиишкиннер кылып ап болур сен бе? (Ыр 109:3). Өске черже көжерде, «бүгү чарыгдалдарны» баш бурунгаар санап алыры чугула болбайн канчаар (Лк 14:27, 28). Ынчалзажок буянныг медээ дээш, бир-ле чүүлдерден ойталаарынга белен бол (Мф 8:20; Мк 10:28—30). Иегованың йөрээлдери, Аңаа бараалгаар дээш, кылган өргүлдеривистен ушчок ажып турар деп «Дуза херек черже көжери» деп видеороликтен көскү.

• Эквадорга бараалгаар дээш, Уильямстың өг-бүлези чүүден ойталааныл?

• Каяа бараалгаарын шиитпирлеп тургаш, олар чүнү кичээнгейге алганыл?

• Олар кандыг йөрээлдерни алганыл?

• Кайда дуза херегин кайыын билип алырыл?

• Өг-бүлевис хөй бараалгаар дээш, чүнү кылып болур? (km-U 8/11 ар. 4—6)

• Суртаалчылар чедишпейн турар черже көжер аргавыс чок болза, чыыжывыска канчаар дузалап болур бис? (bw568-U ар. 23—25)