ОЛ ЧҮГЕ ЧУГУЛА: Кижилерниң Иеговага чүдүлгези таарымчалыг боор кылдыр, олар Ооң негелделерин билип алгаш, аңаа дүүштүр чурттаар ужурлуг (Иса 2:3, 4). «Божья любовь» деп номувус, ийиги өөренир дептер, Библия өөренип турар улуска Бурганның дүрүмнерин амыдыралынга канчаар ажыглаарын билип алырынга дузалаар (Евр 5:14). Кичээл үезинде кижиниң чүрээнге чедир өөредирин кызар болзувусса, ынчан ол чуртталгазын өскертиринге шын хөөннүг болур (Рм 6:17).

ОНУ КАНЧААР КЫЛЫРЫЛ?

• Өөреникчиңниң хереглелдерин херекке ап, эки белеткен. Ооң үзел-бодалын билип алыр дээш, айтырыглардан сал. Сайгарып турар материал аңаа кандыг бодалдарны болгаш минниишкиннерни тывылдырып турарын ынчаар билип алыр сен (Уч 20:5)

• Библейжи дүрүмнерниң үнезин өөреникчи көрүп каар кылдыр, номда бердинген көзенектерни ажыгла

• Өөреникчиңни арын-нүүр айтырыгларынга шиитпир хүлээрин өөрет; ынчалза-даа ооң орнунга шиитпир хүлээве (Гл 6:5)

• Кандыг-бир библейжи дүрүмнү ажыглаарынга өөреникчиңге дуза херек-тир бе, ону билип алырын кызыт. Хомудатпазы-биле ону эптиг кыл. Херек өскерлиишкиннерни кылырынга Иеговага ынакшыл дузалаар деп чымчаа-биле сагындыр (Уч 27:11; Ин 14:31)