«Иегованың күзел-соруун бөгүн кым күүседип турарыл?» деп брошюраны библейжи * кичээл бүрүзүнүң эгезинде азы төнчүзүнде сайгарар кылдыр үндүрген. 1—4-ке чедир кичээлдер: Бурганның чону-биле таныжылга; 5—14-ке чедир: оларның ажыл-чорудулгазының дугайында; 15—28-ке чедир: организациявыстың хөделип турарын бижээн. Кичээлдерни чурум аайы-биле көөрү чогуур. А бир эвес ол кижи бир кичээлге сонуургалын илередир болза, ону көрүп болур. Кичээл бүрүзү бир арын эжелеп турар болганда, ону 5—10 минут дургузунда сайгарып болур.

• Кичээлдиң ады боор айтырыгже, өөреникчиниң кичээнгейин сал.

• Кичээлди өөреникчи-биле кады: бүдүнү-биле, азы абзац аайы-биле номчу.

• Номчаан чүүлдү сайгар. Кичээлге хамаарышкан чуруктарже кичээнгейин салгаш, арынның адаанда бердинген айтырыгларны сал. Бердинген шүлүктерни номчааш, сайгарывыт (кол шүлүктерни шилип ал). Карартыр бижээн биче эгелерниң болгаш кичээлдиң ады боор айтырыгның аразында харылзааны көргүс.

• Кичээлде «Немелде» деп көзенек бар болза, ону кады номчуптуңар. Ында бердинген сүмелерни ажыглаарын детки.