Павел биле Сила хоругдалга ырларны ырлап, Иегованы алдаржыдып турган (Ажч 16:25). Заксенхаузен концлагеринге олуруп турган акы-угбалар болгаш Сибирьже шөлүттүрген Херечилер, Чагырганың ырларын ырлажып турган. Шенелделерге таваржып турар улуска, эрес-дидим болурунга ырлар дузалаар деп, бо чижектерден көскү.

«Радостно пойте Иегове» деп ыр ному чоокта чаа англи дылга үнүп келген, удавас өске дылдарга база үнер. Өг-бүлеңер-биле ырларның сөстерин өг-бүле мөгейиишкининге доктаадып аарын кызыдыңар (Эф 5:19). Шенелделер үезинде ыдыктыг сүлде оларны сагындырып берип болур. Идегеливисче кичээнгейни салырынга Чагырганың ырлары дузалаар. Түрегделдер үезинде ырлар сорук киирер. Эки хөөннүг тургаш, сеткиливистиң өөрүшкүзүн илередип ырлажып болур бис (1Чл 15:16; Ыр 32:1—3). Чагырганың ырларын үнелээлиңер!

«ХОРУГДАТТЫРГАННАРНЫ БЫЖЫКТЫРГАН ЫРЫ» ДЕП ВИДЕОРОЛИКТИ КӨРГЕШ, ДАРААЗЫНДА АЙТЫРЫГЛАРГА ХАРЫЫЛА:

• Кандыг байдалдарда Фрост акывыс бодунуң ырызын чогааткан?

• Заксенхаузен концлагеринге акыларны ол ыр канчаар быжыктырганыл?

• Сени Чагырганың ырлары хууда байдалыңда канчаар быжыктырып болур?

• Чагырганың кандыг ырларын доктаадып алыксаар-дыр сен?