Кымның дугайында чугаа чоруп турарыл? Хурал Залынче бир дугаар азы шагда-ла кээп турарындан хамаарышпас кижи бүрүзү (Рм 15:7; Евр 13:2). Акывыс азы угбавыс өске чурттан аалдап келген чадавас. Азы хөй чылдар дургузунда чыышче келбейн турган, суртаалын соксаткан христиан акывыс чедип келген. Оларның орнунга бодуңну салып көр. Бир эвес сени эптиг-ээлдек уткуп алыр болза, сээң сагыш-сеткилиңге аянныг болур! (Мф 7:12). Хурал залынче келген улус-биле мендилежип, оларга кичээнгейни илередип болур сен бе? Ынчалдыр бис чыышка ынакшылдыг болгаш чылыг-чымчак байдалды тургузуп, Иегованы алдаржыдып турарывыс ол (Мф 5:16). Шупту улус-биле чугаалажыры болдунмас. Ынчалза-даа кижи бүрүзүнүң күжениишкиннериниң ачызында, чыышта шупту улус боттарын херек кылдыр миннип болур *.

Чүгле Сактыышкын кежээзи азы өске байырлалдарда эвес, кезээде хүндүткелдиг чорукту илередирин күзээр бис. Ынчан Хурал Залынче бир дугаар келген улус безин, чыышта ынакшылды көргеш, Бурганны алдаржыдарын күзеп, ооң чонунче катчы бээр чадавас (Ин 13:35).