Матфейниң 8, 9 дугаар эгелеринде Иисустуң Галилеяга бараалгалының чамдык болуушкуннарын бижээн. Иисус кижилерни экиртип, Бургандан күштү ап турарын, а эң-не кол чүүл кижилерге улуг ынакшылын болгаш кээргээр сеткилин көргүскен.

1.  Иисус кежи аарыг кижини экирткен (Мф 8:1—3).

2.  Иисус чүс шериг баштыңының чалчазын экирткен (Мф 8:5—13).

   Ол Пётрнуң кат-иезин экирткен (Мф 8:14, 15).

   Ол буктарны үндүр сывыртааш, аарыг улусту экиртип турган (Мф 8:16, 17).

3.  Иисус каржы-дошкун буктарны хаваннарже кириңер деп дужаагаш, үндүр сывырган (Мф 8:28—32).

4.  Иисус чартыктаан кижини экирткен (Мф 9:1—8).

   Ол ооң хевинге дээпкен херээжен кижини экирткен база Иаирниң уруун диргискен (Мф 9:18—26).

   Ол согурларны болгаш үнү чок кижини экирткен (Мф 9:27—34).

5.  «Иисус бүгү хоорайларны, суурларны эргий кезип,... кандыг-даа аарыг-аржыктан экиртип чораан» (Мф 9:35, 36).

Кижилерге оон-даа хөй ынакшылды болгаш кээргээчел чорукту канчаар илередип болур мен?