Иисустуң үезинде Галилеяга чурттап турган дижик сен. Иерусалимде болуп турар Чадырлар байырлалынче чедип келген сен. Хоорай хөлзээзинниг, чүге дизе байырлалче аңгы-аңгы черлерден хөй улус чыглып келген. Иеговага өргүл бериксеп турар сен. Өргүлге салыр дириг амытаныңны чедип алгаш, хоорайның кудумчуларында улустуң хөйүнден арай боорда, өргээже бар чыдар сен. Чедип келгеш көөрүңге, өргүл салыр дээн күзелдиг улустуң саны эңмежок. Ам бараалгакчыга дириг амытанны дамчыдып бээр ээлчээң чедип келген. Ынчан акыңны хомудадыпканыңны сактып келген сен. Ол бо хөй улус аразында азы хоорайда бооп чадавас. Мындыг байдалда чүнү канчаарын Иисус тайылбырлаан. (Матфей 5:24-тү номчувут.) Сеңээ болгаш акыңга тайбыңны тургузуп алыр дизе, чүү херек? Колонка бүрүзүнге шын харыыны демдеглеп ал.

СЭЭҢ КЫЛДЫНЫГЛАРЫҢ:

•  Чугула хомудаан чылдагааны бар болза, чүгле ынчан ооң-биле чугаалажыр мен.

•  Мени шын эвес билип алган деп, чок болза бис ийелээн буруулуг бис деп ону бүзүредирин кызар мен.

•  Акымны кичээнгейлиг дыңнаар мен. Ооң хомудап турарының чылдагаанын чедир билбейн-даа турар болзумза, билбейн хомудадыпканым дээш сеткилимден буруумну миннир мен.

АКЫҢНЫҢ КЫЛДЫНЫГЛАРЫ:

•  Чыыштан акы-угбаларның деткимчезин дилеп, сээң ону канчаар хомудадыпканыңны оларга чугаалаар.

•  Хензиг-ле чүвени сактып, сени буруудадып, бурууңну миннириңни негээр.

•  Аңаа бурууңну миннир дээш кайы хире бодуңну томаартып, дидимненип алгаш чеде бергениңни үнелээр. Ынчангаш сеткилинден сени өршээптер.

Бөгүн дириг амытаннарны өргүлге эккелбейн турар бис, ынчалза-даа Иегова бистиң мөгейиишкинивисти акы-угбаларывыс-биле амыр-тайбың хамаарылгалыг болур болзувусса хүлээр деп, Иисустуң чугаалаан дүрүмү канчаар көргүзүп турар?