Иисус черге бараалгалының үезинде «Ачаң биле аваңны хүндүлеп чор» деп чагыгны сагыырының чугулазын демдеглээн (Хос 20:12; Мф 15:4). Иисус бичиизинде ада-иезинге дыңнангыр чораан болгаш, ынчаар чугаалаар эргелиг турган (Лк 2:51). Ол өлүрүнүң мурнунда өөреникчилериниң бирээзинден бодунуң авазы Мария дээш сагыш човаарын дилээн (Ин 19:26, 27).

Бистиң үеде элээди христианнар дыңнангыры-биле болгаш хүндүткелдиг чугаалажып турары-биле ада-иезин хүндүлеп болур. Ынчалзажок ада-иезин хүндүлээр чагыг чүгле элээдилерге хамаарышпас. Безин бистиң ада-иевис улгады-даа берген болза, оларны дөмей-ле хүндүлеп база оларның сүмелерин дыңнаар ужурлуг бис (Уч 23:22). Эргежок чугула үелерде назылаан ада-иезин акша-төгерик-биле деткип, оларга кичээнгейни илередип сагыш човаары шын боор (1Тм 5:8). Назы-харывыстан хамаарышпайн, ада-иевисти хүндүлеп база олар-биле үргүлчү чугаалажыр ужурлуг бис.

«АДА-ИЕЗИ-БИЛЕ КАНЧААР ЧУГААЛАЖЫР?» ДЕП ФЛОМАСТЕР-БИЛЕ ЧУРААН АНИМАЦИЯНЫ КӨРГЕШ, ДАРААЗЫНДА АЙТЫРЫГЛАРГА ХАРЫЫЛА:

• Ада-иези-биле чугаалажыры чүге белен эвезил?

• Ада-иези-биле чугаалажып тургаш, хүндүткелди канчаар илередир?

• Ада-иең-биле чугаалажыры белен эвес-даа болза, чүге дүжүп бербезил? (Уч 15:22).