ОЛ ЧҮГЕ ЧУГУЛА «Кижиниң чүрээнде бодал — терең ээрем дег», ынчалза-даа оларны «узуп» аарынга айтырыглар дузалаар (Уч 20:5). Айтырыглар кижини чугаалажырынче оттурар. Айтырыгларны боданып алгаш салырга, кижиниң чүнү бодап турарын болгаш ооң чүрээнде чүү барын билип аар. Иисус айтырыглар ажыглаарынга мергежээн чораан. Ооң чижээнден чүнү өөренип ап болур бис?

ОНУ КАНЧААР КЫЛЫРЫЛ?

• Үзел-бодалын билип алыр дээш, айтырыглардан сал. Өөреникчилериниң үзел-бодалын билип аар дээш, Иисус элээн каш айтырыгларны салган (Мф 16:13—16; «Айтырыгларны чедиишкинниг ажыглаары» деп арга-мергежилди көр). Үзел-бодалын билип алыр дээш, кандыг айтырыгларны суртаалга ажыглап болур сен?

• Немелде айтырыглардан сал. Пётр шын түңнелге келзин дээш, Иисус элээн каш харыыларлыг айтырыгларны салган (Мф 17:24—26). Кижи шын түңнелдерге кээр кылдыр, суртаал ажылынга кандыг немелде айтырыгларны ажыглап болур сен?

• Чугаалажып турар кижиңни макта. Ном-хоойлу тайылбырлакчызы угаан-сарыылдыг харыылап каарга, Иисус ону мактап каан (Мк 12:34). Өске улусту сен канчаар мактап болур сен?

«ИИСУСТУҢ КЫЛЫП ТУРГАН АЖЫЛЫН КҮҮСЕДИҢЕР. ӨӨРЕДИҢЕР!» ДЕП ВИДЕОРОЛИКТИҢ БИРГИ КЕЗЭЭН КӨРГЕШ, ДАРААЗЫНДА АЙТЫРЫГЛАРГА ХАРЫЫЛА:

• Акывыс чеже-даа материалды шын кылдыр дамчыткан болза, чүге ону багай өөредириниң үлегери деп болур?

• Билиглер чедиреринден аңгыда, оон өске бистен чүү негеттинип турар?

ВИДЕОРОЛИКТИҢ ИЙИГИ КЕЗЭЭН КӨРГЕШ, ДАРААЗЫНДА АЙТЫРЫГЛАРГА ХАРЫЫЛА:

• Акывыс айтырыгларны чедиишкинниг ажыглап турган деп чүге чугаалап болур?

• Бо видеороликтен оон өске кандыг аргаларны суртаал ажылынга ажыглаксаар-дыр сен?