БУРГАННЫҢ СӨЗҮНДЕН ЭРТИНЕЛЕР | МАТФЕЙ 18, 19
Илдикпе база өскелерге моондак тургуспа
Иисус илдигериниң болгаш өскелерге моондак тургузарының айыылын чижектер дузазы-биле тайылбырлаан.
-
Моондак дажы — кижиниң шын эвес орукче туруп, илдигип азы бачыт үүлгедип аары бир-ле дөмей кылдыныг азы байдал.
-
Өскелерге моондак дажы болуп турар кижиниң «мойнунга дээрбе дажы баглааш, далай дүвүнче киир октаптары безин ол кижиге эки салым боор ийик».
Дээрбе дажы
-
Иисус, чижээ, холу азы буду моондак апаар болза, оларны безин ап октапканы дээре деп чугаалаан.
-
Бир-ле үнелиг чүүлдү кадагалап алгаш, «мөңге отче киир октадып», кезээ-мөңгеде узуткадырының орнунга, ону чидирип алгаш, Бурганның Чагыргазынче киргени дээре.
Меңээ моондак дажы кылдыр чүү бооп болур? Бодум илдикпейн база өскелерге моондак болбас дизимзе, чүнү канчап болур мен?
