Шупту «кызыл-тасты» — шилип чагдырган христианнарны (шилип чагдырары б. э. 33 чылда эгелээн) — канчаар болгаш кажан ажаап алырын көргүзер дээш, Иисус кызыл-тас болгаш бок үнүштер дугайында угаадыглыг чугааны чугаалаан.

13:24

«Бодунуң шөлүнге эки үрезин тарып алган кижи»

• Тараа чажыкчызы: Иисус Христос.

• Эки үрезинни чажары: Иисустуң өөреникчилерин ыдыктыг сүлде-биле чагганы.

• Шөл: делегей азы кижи төрелгетен.

13:25

«Хамык улус удуп чыдырда, ооң дайзыны келгеш, кызыл-тас аразынга бок үнүш тарып каан»

• Дайзын: Эрлик.

• Улус удуп чыдырда: элчиннерниң өлгени.

13:30

«Дүжүт ажаар үе кээрге чедир, кады өскейлер аан»

• Кызыл-тас: шилип чагдырган христианнар.

• Бок үнүштер: меге христианнар.

«Баштай бок үнүштү кезип, чыггаш... а ооң соонда кызыл-тасты ажаап чыңар»

• Кулдар/тараа кезикчилери: дээрниң төлээлери.

• Бок үнүштерниң ажаалдазы: меге христианнарны шилип чагдырган христианнардан аңгылааны.

• Аңмаарже ажаап чыыры: шилип чагдырган христианнарны катап тургустунган чыышче чыып турары.

Ажаалданың эгезинде алыс шын христианнарны меге христианнардан канчаар ылгап болурул?

Иисустуң угаадыглыг чугаазының утказын билип ап турарым, чүнүң-биле меңээ ажыктыгыл?