25:1—12

Иисус он кыстарның дугайында угаадыглыг чугааны шилип чагдырган эдерикчилеринге чугаалаан-даа болза, шупту христианнарга ол өөредиг боор (bw556-U ар. 12—16). «Ынчангаш серемчилелдиг болуңар, чүге дээрге... хүнүн-даа, шагын-даа билбес болгай силер» — деп, Иисус чугаалаан (Мф 25:13). Ол угаадыглыг чугааны тайылбырлап шыдаар сен бе?

• Күдээ оол (шүл. 1): Иисус.

• Угаанныг кыстар (шүл. 2): дааскан ажылын шынчы күүседиринге белен шилип чагдырган христианнар; олар төнчүзүнге чедир, «октаргайда сылдыстар дег», чайынналдыр чырыыр (Фп 2:15).

• «Көрүңер, күдээ кел чор!» деп кыйгы (шүл. 6): Иисустуң чедип келгениниң бадыткалдары.

• Мелегей кыстар (шүл. 8): күдээ оолду уткуп үнген, ынчалза-даа одуг-сергек, шынчы артпайн барган шилип чагдырган христианнар.

• Угаанныг кыстар үзүн үлежиринден ойталаан (шүл. 9): шынчы шилип чагдырган христианнарны «таңма-биле» демдектээниниң соонда, олар шынчы эвес улуска дузалап шыдавас апаар.

• «Күдээ чедип келген» (шүл. 10): коргунчуг хилинчектиң төнериниң бетинде шииткел үндүрер дээш, Иисус чедип кээр.

• Угаанныг кыстар күдээ оол-биле куда доюнче кире бээри билек, эжик оларның соондан хагдына берген (шүл. 10): Иисус шынчы шилип чагдырган христианнарны дээрде чыып турар, а шынчы эвес апарган улус дээрге чурттаар идегелин чидирип аар.