ОЛ ЧҮГЕ ЧУГУЛА? Өөренип турар кижи белеткенир болза, материалдың утказын эки билип алгаш, сактып аар. Хөйнү билип, сактып алган тудум, ооң бүзүрели өзер. Ол чаңчыл сугга суктурганының соонда-даа аңаа херек, чүге дизе ол одуг-сергек артар дээш, дөмей-ле чыыштарга болгаш бараалгалга белеткенир ужурлуг (Мф 25:13). Ынчап кээрге, шинчилелди кылып билири болгаш доктаамал Библияны өөренир график бүгү назынында быжыг бүзүрелдиг артарынга дузалаар. Ынчангаш эгезинден тура, өөренир материалга белеткенир чаңчылды кижиге өстүрери чугула.

ОНУ КАНЧААР КЫЛЫР?

• Эки үлегер бол (Рм 2:21). Өөредип турар кижиңниң негелделерин кичээнгейге ап, үргүлчү белеткен (km-U 11/15 ар. 3). Бодуңнуң белеткенип алган планың көргүзүвүт.

• Ону белеткениринче оттур. Эгезинден тура-ла, белеткенири — Библияны өөренир программаның кезии деп, ол ышкаш ындыг белеткел ажык дузалыг деп көргүс. Чай чок-даа болза, белеткениринче үени канчаар үндүрүп аарынга хамаарыштыр ажыктыг сүмелер-биле үлеш. Өөренип турар кижи теманы эки шиңгээдип алзын дээш, чамдык суртаалчылар боттарының канчаар шыйып, бижип, белеткенип алганын көргүзүп бээр. Бир эвес ол белеткенип алган болза, мактап каг.

• Канчаар белеткенирин айтып бер. Чамдык суртаалчылар эгеки кичээлдеринге айтып бээр.