Иудей шажын башкарыкчыларының амыр-дыш хүнүнүң хоойлузунга хамаарылгазы Иисусту чүге муңгарадып турган? Чүге дизе олар аңаа хөй-ле херекчок дүрүмнер немээш, ол хоойлуну «аар чүък» кылып каан. Чижээ, амыр-дыш хүнүнде кара-бытты өлүрүп болбас турган. Ол хүнде аарыг кижиниң амы-тыны чүгле берге байдалда апаарга эмнеп болур турган. Амыр-дыш хүнүнде бир-ле кижи будун сып алган азы холу уштуна берген болза, аңаа дузалап болбас турган. Ынчап кээрге, шажын удуртукчулары када берген холдуг кижини бичии-даа кээргевээн.
