Моисейниң хоойлузу-биле алырга, кадайындан чарлып алыксаан эр кижи юридиктиг документ белеткээр ужурлуг турган. Ындыг негелдени далаш-биле чарылбазын дээш тургузуп каан. Ынчалзажок Иисустуң үезинде шажын башкарыкчылары чара бадыланчырын бөдүүнчүдүп каан. Ашактары кадайларындан кандыг-даа чылдагаан-биле чарлып болур апарган (nwtsty-U «свидетельство о разводе», «разводится со своей женой», «прелюбодействует по отношению к первой» Мк 10:4, 11-ни шинчилээринге материал). Иисус фарисейлер-биле чугаалажып тургаш, өг-бүлени Иегова Боду тургускаш, хоойлужуткан деп демдеглээн (Мк 10:2—12). Бурганның үзел-бодалы-биле алырга, өг-бүле дээрге ашак-кадай улустуң бүгү назынында «чаңгыс мага-бот» бооп чурттаар эвилели-дир. Чергелештир бижээн Матфей 19:9-тан алырга, чарлып болур чаңгыс библейжи чылдагаан — самыырал, азы ашаанга (кадайынга) өскерлири.

Амгы үеде хөй улус өг-бүле тургузуунга Иисус ышкаш эвес, а фарисейлер дег, шыңгыы эвес хамаарылгалыг. Бергелер тургустунуп кээрге, чарлырын оон үнер белен арга деп бодаар. А христиан өг-бүлелер өгленишкен даңгыраанга шынчы бооп, библейжи сүмелерни ажыглавышаан, бергелерни ажып эртерин кызып чоруур. «Ынакшыл биле хүндүткел — быжыг өг-бүлениң үндезини» деп видеороликти көргеш, дараазында айтырыгларга харыыла:

• Ашак-кадай улус Чугаалар 15:1-де сүмени канчаар ажыглап болур база ол чүге чугула?

• Чугаалар 19:11-де сүме бергелер тургуспазынга канчаар дузалаар?

• Чарлырының кырында келген болзуңарза, ону бодаарының орнунга, кандыг айтырыгның дугайында ханы боданыр болза эки?

• Матфей 7:12-де дүрүм эки ашаа азы кадайы болурунга силерге канчаар дузалаар?