Овур-хевири өскерлип турган үезинде дээрде Адазындан деткимче сөстерин дыңнааш, Иисустуң чүнү миннингенин бодап көр даан! Адазының деткимчези Иисусту келир үеде бергелерге белеткээни чигзиниг чок. Көстүүшкүн Пётрга, Иаковка болгаш Иоаннга база күштүг салдар чедирген. Иисус, шынап-ла, Мессия-дыр база ону эдерип чорупканывыс частырыг эвес-тир деп чүүлге олар бичии-даа чигзиниг чок апарган. 30 хире чыл эрткен-даа болза, Пётр ооң бүзүрелин быжыглаан ол көстүүшкүннү сактып турган (2Пт 1:16—19).
Ол кайгамчык көстүүшкүннү көрбээн-даа болзувусса, ооң күүсеттинерин көрүп болур бис. Амгы үеде Иисус күчү-күштүг Хаан — «ол тиилекчиниң түрүн тыртынып, тиилээр дээш бар [чыдар]» (Ажд 6:2). Мырыңай удавас чөптүг чаа делегейни ол тургузар.
Библейжи өттүр билген медеглелдерниң күүсеттинип турары бүзүрелиңни канчаар быжыглап турар?
