Христиан ада-иелер ажы-төлүнүң Иеговага шынчы бараалгаарын күзеп чоруур. Ону кылыр дизе, ада-иелер чаш ажы-төлү библейжи алыс шынга ынак боор кылдыр дузалаар ужурлуг (Ыхк 6:7; Уч 22:6). Ону кылыры белен эвес, ынчалза-даа үндүрген күш хилис барбас (3Ин 4). Ада-иелер Иосиф биле Мариядан хөй чүүлге өөренип ап болур. Олар, хөй күштү, акша-төгерикти үндүрүп-даа тургаш, «чылдың-на Хосталыышкын байырлалының үезинде... Иерусалимге кээр турган» (Лк 2:41). Оларга эң чугула чүүл Иегова-биле найыралын быжыглаары турган. Ооң-биле дөмей амгы үеде ада-иелер ажы-төлүн шын угже углап, сөс-даа кырынга, херектери-биле-даа оларны өөредир дээш, кандыг-даа арганы ажыглап болур (Ыр 126:3—5).

«ОЛАР ХӨЙНҮ КЫЛЫР АРГАЛАРНЫ ЭРТТИРБЕЙН ТУРГАН» ДЕП ВИДЕОРОЛИКТИ КӨРГЕШ, ДАРААЗЫНДА АЙТЫРЫГЛАРГА ХАРЫЫЛА:

• Шиллерлерниң өг-бүлезинге Иеговага бараалгал эң-не чугула турган деп чүүден көскү?

• Ада-иелерге ажы-төлүнүң шуптузунга хууда кичээнгейни көргүзер арганы тывары чүге чугула?

• Ада-иелер ажы-төлүн шенелделерни ажып эртеринге канчаар белеткеп болур?

• Ажы-төлүңерниң Иеговага ынакшылын сайзырадырынга, организациявыстың берип турар херекселдериниң кайызы силерге дузалап турар?