ОЛ ЧҮГЕ ЧУГУЛА? Социал четкилер, кандыг-даа херексел дег, ажыктыг боорундан аңгыда, айыылдыг база бооп болур. Чамдык христианнар социал четкилерни шуут ажыглавас деп шиитпирлеп алган. Өскелери ону чүгле чоок улузу-биле болгаш эштери-биле чугаалажыр дээш ажыглап турар. Бир эвес серемчилелдиг болбас болза, адывысты баксырадып, Бурган-биле харылзаавысты чидирип ап болур бис. А ол чүүлдү Эрлик күзеп турар. Айыылдарны илередип, оон дезер дизе, Иисус ышкаш, Бурганның Сөзүнден дүрүмнерни ажыглап болур бис (Лк 4:4, 8, 12).

КАКПАЛАР

• Үени чидирери. Социал четкилерге шак шагы-биле олуруп тургаш, Бурганче чоокшулаар ажыл-херектерни кылып болур үени чарыгдап турар бис.

  Библейжи дүрүмнер Эф 5:15, 16; Фп 1:10.

• Чигзинчиг материалдар. Мөзү-шынар чок чуруктар болгаш видеолар порнография көөр күзелди тывылдырып азы мөзү-шынар чок чорукче чыгап болур. Бүзүрелинден ойталаан улустуң сайтыларын номчуур болзувусса, бүзүреливисти чидирип ап болур бис.

  Библейжи дүрүмнер: Мф 5:28; Фп 4:8.

• Үен-даян чуруктар болгаш харыылар. Оп-мегелиг чүрек кижини социал четкилерге үен-даян чурукту азы аңаа харыылар бижииринче оттуруп болур. Ындыг чүүл адывысты баксырадып азы бүзүреливисти кошкадып болур.

  Библейжи дүрүмнер: Рм 14:13; Эф 4:29.

«СОЦИАЛ ЧЕТКИЛЕР. ЧАШ УРУГЛАР ДЕГ АЛДЫНМАҢАР!» ДЕП ВИДЕОРОЛИКТИ КӨРГЕШ, БО ТАВАРЫЛГАЛАРДАН КАНЧААР ДЕЗИП БОЛУР ТУРГАНЫН БОДАН