Иисус амы-тынын бачыттыг улус дээш берген (Рм 5:8). Чигзиниг чок, бис шуптувус ооң биске көргүскен ынакшылын база бис дээш амы-тынын бергенин үнелеп турар бис. Ынчалза-даа Христос чүгле бис дээш эвес, а өскелер дээш база өлген деп бодувуска сагындырып чоруур болзувусса эки. Иисусту өттүнүп, бачыттыг акы-угбаларывыска ынакшылывысты канчаар көргүзүп болур бис? Бирээде, чаа эштерден диле, ол ышкаш өске язы-сөөктүг акы-угбалар-биле найыралдаш (Рм 15:7; 2Кр 6:12, 13). Ийиде, өскелерни хомудадыпкы дег алдынып азы эпчок сөстер чугаалава (Рм 14:13—15). Үште, бир кижи сени хомудадыптар болза, олче хорадава, ону дүрген өршээвит (Лк 17:3, 4; 23:34). Бо үш чүүлге Иисусту өттүнер болзувусса, Иегова чыыжывысты йөрээр. Ынчан аңаа тайбың биле демниг чорук тергиидээр.

«УЛУСТУ БОДАП БИЛИРИ КИЖИНИ ЧАРАШ КЫЛЫР» ДЕП ВИДЕОРОЛИКТИ КӨРГЕШ, ДАРААЗЫНДА АЙТЫРЫГЛАРГА ХАРЫЫЛА:

• Мики чаа чыыжының дугайында баштай чүнү бодап турган?

• Чыыжынга ооң хамаарылгазы чүге өскерли берген?

• Чыышка хамаарылгазын өскертип алырынга, Иисустуң үлегери Микиге канчаар дузалаан? (Мк 14:38).

• Чугаалар 19:11-де сөстер чыыжывыста ха-дуңмаже шын көрүштү сайзырадырынга канчаар дузалаар?