ХРИСТИАН ЧУРТТАЛГА
«Лоттуң кадайын сактып келиңер!»
Өг-бүлези-биле Содомдан үнүп бар чыткаш, Лоттуң кадайы чүге хая көрнүпкен? Библияда ооң дугайында чүү-даа чугаалаваан (Эд 19:17, 26). Иисустуң сөстеринден алырга, Лоттуң кадайынга эт-хөреңгизин кааптары харааданчыг болган чадавас (Лк 17:31, 32). Бурганның ээ көрүүшкүнүн чидирип алган Лоттуң кадайы ышкаш болбас дизе, чүнү канчаар бис? Эт-хөреңги чуртталгаңарга кол апаарын болдурбаңар (Мф 6:33). Иисус: «Силер база Бурганга болгаш акша-мөңгүнге хары угда бараан болуп шыдавас силер» — дээн (Мф 6:24). Эт-хөреңги дээш сагыш човааш, Бурган-биле харылзаавысты быжыглаарынче эвээш үе үндүрүп эгелээн болзувусса, канчаар бис? Херек өскерлиишкиннерни кылырын көрүп каарынга биске дузалаар кылдыр Иеговага мөргүп, Оон дидим чорукту дилеп база аңаа дүүштүр хөделир ужурлуг бис.
«ЛОТТУҢ КАДАЙЫН САКТЫП КЕЛИҢЕР!» ДЕП ҮШ СЕРИЯЛЫГ ФИЛЬМНИ КӨРГЕШ, ДАРААЗЫНДА АЙТЫРЫГЛАРГА ХАРЫЫЛА:
-
Лоттуң кадайы-биле болган чүүлдүң дугайында сактып чоруурумну канчаар көргүзүп болур мен?
Глорияның хөй акша ажылдап алыр дээн күзели ооң бодалдарынче, чугаазынче база алдынып турарынче кандыг салдар чедирген?
-
Лоттуң кадайы-биле болган чүүлдүң дугайында ханы боданыры чүге ажыктыг?
-
Джонуң өг-бүлези Библияның дүрүмнерин ажыглап эгелээрге, кандыг салдарлыг болган?
-
Кады ажылдап турар улузу-биле чоок аралажыры Аннаның Бурган-биле харылзаазынче кандыг салдар чедирген?
-
Акша-төгерик чедиишкин-дир деп санап турар делегейге дидим чорук чүге херек?
-
Брайан биле Глория кол деп санап чораан чүүлдерин канчаар эде көрүп алган? Бурган-биле харылзаа оларга база катап кажан эң-не чугула апарган?
-
Бо фильм кандыг библейжи дүрүмнерни сеңээ сагындырды?
