Чүнүң ачызында Иисуска Самария чурттуг херээжен-биле буянныг медээни үлежири болдунган? Ол билдингир темадан эгелеп алган. Танывазы улус-биле канчаар хостуг чугаалажып өөренип ап болур?

• Эвилең-ээлдек бол, улус-биле чугаалажып эгелээринден эпчоксунма. Иисус могап-шылап каан-даа болза, Самария чурттуг херээженден ижер суг дилээш, чугаалажы берген. Сен бир кижиже хүлүмзүрүпкеш, агаар-бойдус азы амгы үеде болуп турар болуушкуннарның дугайында чугаалажып болур сен. Сээң сорулгаң чугаа эгелеп алыр деп утпа. Ынчангаш кижиге солун ышкаш темаларны көдүрүп болур сен. Ол кижиниң чугаалажыр хөөннү чок болза, ында кижи муңгараар чүве чок. Өске кижи-биле чугаалажы бер. Дидим чорукту Иеговадан диле (Не 2:4; Ажч. 4:29).

• Чугаа кадында буянныг медээни үлежиптер аргаларны диле. Ынчалзажок далашпа. Чугаа ала-чайгаар болзун. Теманы хенертен өскертиптерге кижи кайгай бээр, ынчаар чугаа төнүп каап болур. Алыс шын-биле үлежип четтикпээниңде чугаа төнүп каан болза, муңгарава. Бир эвес буянныг медээ-биле үлежир деп бодалдан коргар болзуңза, суртаалдаар сорулгалыг эвес, анаа бир кижи-биле чугаалажырын оралдаш. [№ 1 видеороликти көргүскеш, сайгарывыт.]

• Бодуң ол кижиниң кичээнгейин Библияже угландырарын кызыт. Чижээ, ол кижи хөйнү билип алыксай бээр кылдыр, Библиядан бир-ле солун бодалды чугаалап бер. Иисус Самария чурттуг херээжен кижини сонуургадыптарга, ол боду айтырыгларны салып эгелээн. Түңнелинде Иисус ооң айтырыгларынга харыылавышаан, буянныг медээ-биле үлешкен. [№ 2 видеороликти көргүскеш, сайгарывыт, ооң соонда № 3 видеороликти база.]