ОЛ ЧҮГЕ ЧУГУЛА Иисустуң өөреникчилери болганывыста, Бурганның күзел-бодалының дугайында алыс шынны суртаалдаар ужурлуг бис (Ин 18:37). Оон аңгыда алыс шынга өөрүп, алыс шынны чугаалап, меге биле бачыт долган делегейде чурттап чорзувусса-даа, алыс шын чүүлдерниң дугайында боданыр ужурлуг бис (1Кр 13:6; Фп 4:8).

ОНУ КАНЧААР КЫЛЫРЫЛ?

• Хоп-чугааларны дыңнава база таратпа (1Фс 4:11).

• Баштай ушкан эжиң шоотпа.

• Чуртталгаңны хей-аът киирер, буянныг чүүлдер-биле долдур.

«„ЛЮБИТЕ ДРУГ ДРУГА”. НЕ РАДУЙТЕСЬ НЕПРАВЕДНОСТИ, А РАДУЙТЕСЬ ИСТИНЕ» ДЕП ВИДЕОРОЛИКТИ КӨРГЕШ, ДАРААЗЫНДА АЙТЫРЫГЛАРГА ХАРЫЫЛА:

• Дебби бузут дээш өөрүп турган деп чүге чугаалап болур?

• Элис Дебби-биле чугааны эки талаже канчаар өскертипкен?

• Акы-угбавысты сорук киирип, чүнүң дугайында чугаалажып болур бис?