ОЛ ЧҮГЕ ЧУГУЛА? Иегова алыс шынның үрезиннерин «мөңге амыдыралга шын хамаарылгалыг» улустуң чүректеринде өстүрүп турар (Ажч. 13:48; 1Кр 3:7). Бирги ээлчегде, билиглерин чуртталгазында ажыглап турар улуска кичээнгейни илередип тургаш, Иегова-биле кады ажылдажып турар бис (1Кр 9:26). Камгалал алыр дизе, сугга суктуруп алыр херек деп, ол улуска тайылбырлап бээр болзувусса эки (1Пт 3:21). Өөредип турар улузувус Иисустуң өөреникчилери апаар кылдыр, оларга чуртталгазын өскертип алырынга дузалажып, суртаалдаарынга болгаш өскелер-биле библейжи кичээл эрттиреринге өөредип турар бис. Оон ыңай оларны чуртталгазын Иеговага бараалгадыр кылдыр деткиир бис (Мф 28:19, 20).

ОНУ КАНЧААР КЫЛЫРЫЛ?

• Библияны өөренириниң сорулгазы — Иегованы эки билип алыры база ол билиглерге дүүштүр чурттаары деп, өөредип турар кижиңге сагындырып тур (Ин 17:3).

• Бурган-биле хамаарылгазын быжыглаарынга дузалаш: бергелерни ажып эртеринге, чижээ багай чаңчылдарын кааптарынга болгаш эш-өөрнү шилип алырынга.

• Өөредип турар кижиңге сугга суктурарының мурнунда-даа, соонда-даа деткимче бол (Ажч. 14:22).

«ИЕГОВА БОГ ПОМОЖЕТ ТЕБЕ» ДЕП ВИДЕОРОЛИКТИ КӨРГЕШ, ДАРААЗЫНДА АЙТЫРЫГЛАРГА ХАРЫЫЛА:

• Иеговага чуртталгазын бараалгадырынга болгаш сугга суктурарынга кандыг коргуушкуннар кижиге шаптыктап болур?

• Удуртукчулар Библия өөренип турар улуска Бурган-биле хамаарылгазын быжыглаарынга канчаар дузалап болур?

• Исайя 41:10-дан Иегованың дугайында чүнү билип ап турар бис?

• Тергиин эвес-даа болзувусса, Иеговага шынчы бараалгаарынга кандыг шынарлар биске дузалаар?