Бурганның Чагыргазының чедип кээрин кайы хире үр манап чоруур сен? Эвээш эвес бергелерге таваржып чоруур чадавас сен, ынчангаш туруштуг болуру сеңээ эргежок чугула (Рм 8:25). Чамдык христианнар көөр хөөн чок чорукка, чөптүг эвес хамаарылгага, кара-бажыңга хоругдаттырарынга, безин амы-тынын чидирер айыылга таваржып турар. Өскелери хоочураан аарыглардан азы назылап кыраанындан хилинчектенип чоруур.

Шенелделер турза-даа, өөрүшкүлүү-биле манаарынга биске чүү дузалаар? Хүннүң-не Библияны номчуп, номчаан чүүлдүң ханы утказын билип алырын кызып, бүзүрелди быжыглаар болза эки. Көрүжүвүстү идегелче углаар ужурлуг бис (2Кр 4:16—18; Евр 12:2). Иеговага мөргүүрү база Оон ыдыктыг сүлдени дилээри чугула (Лк 11:10, 13; Евр 5:7). Ынакшылдыг Адавыс «бүгү чүвени туруштуу-биле шыдажып эртер арганы» биске хайырлаар (Кл 1:11).

«МЫ ДОЛЖНЫ БЕЖАТЬ „СО СТОЙКОСТЬЮ“. НЕ СОМНЕВАЙТЕСЬ В НАГРАДЕ» ДЕП ВИДЕОРОЛИКТИ КӨРГЕШ, ДАРААЗЫНДА АЙТЫРЫГЛАРГА ХАРЫЫЛА:

• «Үе-хуусаа биле таварылга» канчалдыр кижиниң чуртталгазынга хенертен болу берип болур? (Эк 9:11).

• Аар-берге үеде мөргүл канчаар дузалап турар?

• Иеговага ооң мурнунда дег бараалгап шыдавас апарган болзувусса, амгы үеде кылып шыдаар чүүлүвүсче кичээнгей салыры чүге чугула?

• Шаңналды алыр мен деп бүзүрелдиг болурунга сеңээ чүү дузалаар?