ХРИСТИАН ЧУРТТАЛГА
Суртаалдаар арга-мергежиливисти бедидери. Үре-түңнел чок библейжи кичээлдерни соксадып турар бис
ОЛ ЧҮГЕ ЧУГУЛА? Камгалал алыр дизе, Иегованың адын кыйгырары чугула (Рм 10:13, 14). Ынчалза-даа Библияны өөренирин чөпшээрежип турар улустуң кижи бүрүзү-ле Бурганның дүрүмнерин сагып чурттаарын күзеп турар деп болбас. Иегованы өөртүр дээш, өскерлиринге белен улуска дузалап, бараалгалче үндүрүп турар үевисти үнелээр бис. Бир эвес бир кижи Библияны элээн үе дургузунда өөренип турар, ынчалза-даа көскү өскерлиишкиннерни кылбайн турар болза, ооң орнунга Иеговаже база Ооң организациязынче чүткүп чоруур улуска дуза кадар дээш күжүвүстү угландырары мерген угаанныг болур (Ин 6:44). Бир эвес ол кижи чоорту өскерлип, «мөңге амыдыралга шын хамаарылгалыг» деп көскү апаар болза, ооң-биле Библияны катап өөренип эгелээринге өөрүүр бис (Ажч. 13:48).
ОНУ КАНЧААР КЫЛЫРЫЛ?
-
Өөренип турар кижиңни, ооң алыс шынны билип алыксап турар күзели дээш, макта (1Тм 2:4).
-
Библиядан билиглерни ажыглаарының кайы хире чугулазын демдегле (Лк 6:46—49).
-
Тараа чажыкчызының дугайында чижекти өөренип турар кижиң-биле сайгар, база Бурганче чоокшулаарынга аңаа чүү шаптыктап турарын эптии-биле айтыр (Мф 13:18—23).
-
Ооң-биле өөренирин чүге соксадып турарыңны эптиг-ээлдек тайылбырлап бер.
-
Үе-үе болгаш-ла олче долгаар мен деп база, бир эвес ол херек өскерлиишкиннерни кылыр болза, кажан-даа катап өөренип эгелей берип болурун чугаала.
«ПРЕКРАЩАЕМ НЕПРОДУКТИВНЫЕ ИЗУЧЕНИЯ» ДЕП ВИДЕОРОЛИКТИ КӨРГЕШ, ДАРААЗЫНДА АЙТЫРЫГЛАРГА ХАРЫЫЛА:
-
Видеороликте акывыстың Бурган-биле харылзаазын быжыктырбайн турар кижи-биле чугаалажып турарындан, бодуңга чүнү демдеглеп алыр сен?
-
Акывыс өөренип турар кижиге өскерилгелер кылыр болза эки деп канчаар тайылбырлап берген?
-
Өөренирин кажан-даа катап эгелеп ап болур деп акывыс канчаар чугаалаан?