Видеороликтер, чуруктар, таблицалар болгаш карталар дузазы-биле Библияны өөренири солун, база олар материалды билип алырынга болгаш сактып алырынга дузалап турар. Дээрде Адавыс Иегова база бир-ле чугула чүүлге өөредир дээш, көргүзүг херекселдерин ажыглап турган (Эд 15:5; Иер 18:1—6). Шак-ла ындыг өөредир арганы Өндүр улуг Башкывыс Иисус Христос база ажыглап чораан (Мф 18:2—6; 22:19—21). Бо сөөлгү чылдарда хөй-ле көргүзүг херекселдериниң эң-не дээштии видеороликтер болган. Өөредип тура, видеороликтерни эки ажыглап турар сен бе?

Амгы үеде бисте кол библейжи өөредиглерни тайылбырлап турар 10 видеоролик бар. Видеороликтерниң аттары, кандыг библейжи темага оларны көргүзерин база сайгарарын айтып турар. Оон аңгыда суртаалга ажыглаар херекселдеривистен, янзы-бүрү өөредир дептерлеривиске тааржыр, өске-даа видеороликтер бар.

Өөредип турар кижиң-биле аңаа билип алыры берге теманы сайгарып турар дижик сен. Азы сээң өөредип турар кижиң шенелдеге таварышкан дижик. Ынчан JW Library деп капсырылгадан азы интернет-телевидениевистен тааржыр видеороликти диле. Оон ол видеороликти кады көргеш, сайгарыптыңар.

Ай санында чаа-чаа видеороликтер үнүп турар. Оларны көрүп ора, Библияны өөредип тургаш, канчаар ажыглап болурун бодан.