Бо чылдан эгелээш, Иисус Христостуң өлүмүнүң Сактыышкын кежээзинге белеткенип алыр үевис хөй болур. Бир эвес Сактыышкын кежээзи ажыл хүнүнде таваржы бээр болза, «Чуртталгавыс болгаш бараалгалывыс» деп ужуражылганы ол неделяда эрттирбес. А бир эвес дыштаныр хүн таваржы бээр болза, ол дыштаныр хүннерде болур илеткел биле «Таңныыл суургазының» сайгарылгазы болбас. Тыптып келген хостуг үевисти канчаар эң эки ажыглап болур бис? Бо онзагай болуушкун төлептиг эртсин дээш, бирги векте дег, эки белеткел херек (Лк 22:7—13; km-U 3/15 ар. 1). Оон ыңай бис шупту сеткил-чүрээвисти белеткеп алыр ужурлуг бис. Ол дээрге чүү дээни ол?

• Ол болуушкунче баарының кайы хире чугулазын боданып көр (1Кр 11:23—26).

• Иегова-биле кандыг хамаарылгалыг сен, бодан. Ооң дугайында мөргү (1Кр 11:27—29; 2Кр 13:5).

• Сактыышкын кежээзиниң утказын тайылбырлап турар библейжи шүлүктерни номчааш, ооң дугайында бодан (Ин 3:16; 15:13).

Чамдык улус «Исследуем Писания каждый день» деп брошюрада бердинген график ёзугаар Библияны номчуур. Өскелери бо болгаш дараазында арыннарда бердинген графикти ажыглаар. А бир кижи Сактыышкын кежээзиниң болгаш Иегова биле Иисустуң илереткен ынакшылының дугайында «Таңныыл суургазындан» статьяларны катаптап номчуур. Аргалар аңгы-аңгы бооп болур. Эң-не кол чүүл, сээң Библияны хууда шинчилеп турарың, сени Иеговаже болгаш Ооң оглунче улам-на чоокшуладыр.