Улуг азы бичии-даа шиитпир хүлээрде: «Иегова чүү деп бодаар?» деп бодуңдан айтырар-дыр сен бе? Иегованың канчаар боданып турарын чедир билип шыдавас бис. Ынчалза-даа Ол Бодунуң Сөзүнде «кандыг-даа буянныг херек кылыры-биле чепсегленген боор» кылдыр, биске четчир информацияны берген (2Тм 3:16, 17; Рм 11:33, 34). Иисус Иегованың күзел-соруун тода билир чораан. Ынчангаш Бурганның күзел-соруун күүседири ооң чуртталгазынга кол турган (Ин 4:34). Бис база Иисусту өттүнүп, кезээде Иегованың сеткилинге кирер шиитпирлерни хүлээп чоруулуңар (Ин 8:28, 29; Эф 5:15—17).

«ИЕГОВАНЫҢ КҮЗЕЛ-СОРУУН БИЛИП АЛЫРЫН ОРАЛДАЖЫҢАР» ДЕП ВИДЕОРОЛИКТИ КӨРГЕШ, ДАРААЗЫНДА АЙТЫРЫГЛАРГА ХАРЫЫЛА:

• Библейжи дүрүмнер ёзугаар чурттаары чүге чугула?

• Хөгжүмнү болгаш ырыларны шилип тургаш, кандыг библейжи дүрүмнерни херекке алыры чогуур?

• Идик-хепти болгаш бажын канчаар таартырын база эдерин шилип тура, кандыг библейжи дүрүмнерни кичээнгейге алыры чугула?

• Чуртталганың оон өске кандыг талаларынга библейжи дүрүмнерни сагыыры чугула?

• Иегованың күзел-соруун оон-даа эки билип алырынга чүү дузалаар?