Иеговага ынак улус-биле аралажыр болзувусса эки. Чүге дээрге аралажып турар улузувус биске эки азы багай салдар чедирип болур (Уч 13:20). Чижээ, Иодай дээр бараалгакчы Иоас хаанның чанынга турда, ол «Дээрги-Чаяакчыга таарымчалыг чүүлдер кылып келген» (2Чл 24:2). Ынчалза-даа Иодай чок апаарга, ол Иегованы тогбайн барган, чүге дизе ооң чаа эш-өөрү аңаа багай салдарлыг болган (2Чл 24:17—19).

Павел элчин баштайгы христиан чыышты — «улуг бажыңга», а христианнарның боттарын «саваларга», азы эт-херекселге, дөмейлээн. Алдынып чорууру Иеговага таарзынмас улус-биле чоок аралашпас болзувусса, «хүндүлүг ажыглалга» херек савалар ышкаш болур бис. А бир эвес чоок улузувустуң азы кады бүзүрээн ха-дуңмавыстың бирээзи Иегованың дүрүмнерин үрээр болза, олар-биле база чоок аралашпас бис (2Тм 2:20, 21). Ынчангаш эш-өөрнү Иеговага ынак улус аразындан диле, олар сени чүткүлдүг бараалгаарынче деткиир.

«БАГАЙ ЭШ-ӨӨРДЕН ОЙТАЛАП ӨӨРЕНИҢЕР» ДЕП ВИДЕОРОЛИКТИ КӨРГЕШ, БО АЙТЫРЫГЛАРГА ХАРЫЫЛА:

• Улустуң багай салдарынга канчаар алзы берип болур бис?

• Багай салдар чедирип турар улус-биле аралашпазынга, акы-угбаларывыска чүү дузалаан?

• Эки эш-өөрнү шилииринге, сеңээ кандыг библейжи дүрүмнер дузалаар?